තවත් තරඟකරුවෙකු සහ ඡායාරූප ශිල්පීන් දෙදෙනෙකුත් රෝහලේ....
මැකාවූ ගොන් ප්රී මෝටර් රථ ධාවන පථයේදී සිදුවූ දරුණු අනතුරකින් ෆෝමියුලා 3 ධාවන ශූරියක් වන 17 හැවිරිදි සුරූපී සොෆියා ෆ්ලොරස්ච් (Sophia Floersch) රෝහල් ගත කර තිබෙනවා.
අදාළ අනතුර සමාජ මාධ්ය තුළ පළවීමත් සමග බෝහෝ දෙනා මේ පිළිබඳව කතාබහට ලක්කළා.
අදාළ වීඩියෝවෙන් පෙනී යන්නේ ඇගේ ෆෝමියුලා රථය (25) වානී ඇමර්ස්ෆෝට් නමැති ධාවකයාගේ රථයට (31) වැදී බාධකයකට ඉහළින් විසිවී ඡායාරූප ශිල්පීන් සිටි කුටියක ගැටෙන අයුරුයි.
වංගුවකදි ඇයට එම රථය පාළනය කර ගැනීමට නොහැකිව මෙම අනතුර සිදුව ඇති බවයි විදෙස් මාධ්ය වාර්තාකරන්නේ.
'හැමෝගේම දැනගැනීමට මට අනතුරක් නැහැ මට හොඳයි නමුත්, හෙට උදෑසන ශල්යකර්මයකට යනවා' කියා ෆ්ලොරස්ච් සිය ට්විටර් ගිණුමේ සටහනක් තබා තිබෙනවා.