Rate Gossip, Rate news, Gossip Lanka News | RateGossip | Rate Gossip | Rate Gossip Official Web Site | Gossip Lanka

2017 September 24
275
Views
ශ්‍රී ලංකා කණ්ඩායම සහ පාකිස්ථාන කණ්ඩායම අතර තරඟ දෙකකින් සමන්විත ටෙස්ට් තරඟාවලිය ලබන 28 වනදා අබුඩාබි හිදී ආරම්භ වීමට නියමිතයි.

දෙරට අතර පැවැත්වෙන දෙවන ටෙස්ට් තරඟය ඩුබායි අන්තර්ජාතික ක්‍රිකට් ක්‍රීඩාංගනයේදී ඔක්තෝම්බර් මස 06 වන දා පැවැත්වීමට සැලසුම් කර ඇත්තේ දිවා රාත්‍රී තරඟයක් ලෙසටයි.


පාකිස්ථානය සහ ශ්‍රීලංකා කණ්ඩායම අතර පැවැත්වෙන පළමු දිවා රාත්‍රී ටෙස්ට් තරඟය මෙය වන අතර දෙරටම සහභාගී වන පළමු දිවා රාත්‍රී ටෙස්ට් තරඟයද මෙය වීම විශේෂත්වයක්.

මෙම දිවා රාත්‍රී ටෙස්ට් තරඟය සඳහා රෝස පැහැති පන්දුව යොදා ගනු ලබනවා.

මෙම තරඟයට සාර්ථකව මුහුණ දීමේ අරමුණින් ශ්‍රී ලංකා කණ්ඩායම රෝස පැහැති පන්දුව යොදා ගනිමින් රාත්‍රී කාලයේදී පුහුණුවීම් කටයුතු සිදුකරන බවයි වාර්තා වන්නේ.

රාත්‍රී විදුලි ආලෝක මාධ්‍යයේ කොළඹ ආර්. ප්‍රේමදාස ක්‍රීඩාංගනයේදී ශ්‍රී ලංකා කණ්ඩායම රෝස පැහැති පන්දුවෙන් පෙර පුහුණු වීම වල නිරතවන ආකාරයේ දැක්වෙන ඡායාරූප කිහිපයක් ශ්‍රී ලංකා ක්‍රිකට් නිල ෆේස් ගිණුමට එක්කර තිබුණා.

දෙරට අතර ටෙස්ට් තරඟ දෙකට අමතරව එක්දින තරඟ 05ක් සහ පන්දුවාර 20 තරඟ 03ක් පැවැත්වීමට සැලසුම් කර තිබෙනවා.

ශ්‍රී ලංකා කණ්ඩායම සමඟ ටෙස්ට් තරඟාවලියට එක් වන පාකිස්ථාන සංචිතය ඊයේ ප්‍රකාශයට පත් කරන බවයි පාකිස්ථාන ක්‍රිකට් පාලක මණ්ඩලය සදහන් කළේ.

Make a Comment
Make a Comment
මෙන්න බලන්න තවත් ගොසිප්
VIDEO CORNER
LATEST GOSSIP
Top 10 Commenters
Latest Comments
 
Copyright © 2016 rategossip.com
Top