කොට්ටාව ප්රදේශයේ නිවසක උඩු මහලක තිබී තරුණියකගේ මළ සිරුරක් ඊයේ සොයාගෙන තිබුණා.
තියුණු ආයුධයකින් පහරදී මෙම ඝාතනය සිදු කර ඇති බවයි වාර්තාවුණේ.
මෙලෙස මියගොස් ඇත්තේ තරින්දි ආලෝකා නමැති 29 හැවිරිදි තරුණියක්.
ඇගේ මළ සිරුර නිදන කාමරයේ තිබෙන අයුරු මුලින්ම දැක ඇත්තේ පාසැල් ගොස් පැමිණි ඇගේ සොයුරිය විසිනුයි .
ප්රේම සබඳතාවක් නිසා මෙලෙස ඇය ඝාතනය කර ඇති බවයි පොලිසිය සැක පළ කරන්නේ.
මාතර ප්රදේශයේ පදිංචි තරුණයෙකු සමග ප්රේම සබඳතාවක් පවත්වා ඇති බවත් ඇය ඔහුට අකමැත්තෙන් සිටි බවත් පොලිස් පරීක්ෂණවලදී අනාවරණය වී තිබෙනවා.
එම තරුණයා පෙරේදා (21) ඇය හමුවීමට පැමිණ ඇති බවත් පැවසෙනවා.
මේ පිළිබඳ හෝමාගම පොලීසිය වැඩිදුර විමර්ශන පවත්වනවා.