Rate Gossip, Rate news, Gossip Lanka News | RateGossip | Rate Gossip | Rate Gossip Official Web Site | Gossip Lanka

2016 June 07
2,357
Views
කොස්‌ගම හමුදා අවි ගබඩාව පිපිරීමේ ඛේදවාචකයට යුද හමුදාපතිවරයා සම්පූර්ණයෙන්ම වගකිවයුතු බවත්, තමා ආරක්‍ෂක ලේකම් වශයෙන් සිටියා නම් යුද හමුදාපතිවරයා වහාම තනතුරින් ඉවත් කරන බවත් හිටපු ආරක්‍ෂක ලේකම් ගෝඨාභය රාජපක්‍ෂ මහතා පුවත්පතකට පවසා තිබෙනවා.

මෙවන් වැදගත් ස්‌ථානයක්‌ නිසි ලෙස ආරක්‍ෂා කර ගැනීමට නොහැකිවීමේ වගකීම හා වරද ඉහළට හෝ පහළට නොපවරා එය භාරගෙන යුද හමුදාපතිවරයා ඉල්ලා අස්‌විය යුතුව ඇතැයි ද ඔහු එම පුවත කළ විමසීමේදී වැඩිදුරටත් පවසා තිබෙනවා.

ඔහු සිද්ධිය සම්බන්ධයෙන් වැඩිදුරටත් මෙසේ අදහස් පළකර තිබුණා.

චන්ද්‍රිකා බණ්‌ඩාරනායක කුමාරතුංග හිටපු ජනාධිපතිනියගේ පාලන සමයේ පනාගොඩ පිහිටි යුද හමුදා අවි ගබඩාව කොස්‌ගම සාලාව කඳවුර වෙත රැගෙන ගොස්‌ තිබුණා. මම ආරක්‍ෂක ලේකම් වූ පසු එම ස්‌ථානය ඊට නුසුදුසු අනාරක්‍ෂිත එකක්‌ බව පෙනී ගිය බැවින් එහි තිබූ බර අවි උණ්‌ඩ කොටසක්‌ දියතලාව සහ මාදුරුඔය වෙත ගෙන ගියා. ඒ වගේම කොස්‌ගම අවි ගබඩාවේ ආරක්‍ෂාව තරකරන ලෙසත් මම යුද හමුදාපතිවරයාට උපදෙස්‌ දුන්නා.

යුද්ධය පැවැති සමයේ සහ ඉන් පසුව ටොන් 25,000 ක පමණ උණ්‌ඩ මෙම අවි ගබඩාවේ තිබුණා. යුද්ධයෙන් පසුව එම උණ්‌ඩවලින් විශාල ප්‍රමාණයක්‌ වේයන්ගොඩ අවි ගබඩාවට රැගෙන ගියා. එතැනත් ජනාකීර්ණ ප්‍රදේශයක පිහිටි නිසා මම හමුදා අවි ගබඩා 02 ක්‌ අනුරාධපුර ඔයාමඩුවේ සහ රඹෑව පලුගස්‌වැව ප්‍රදේශවල පිහිටුවීමට තීරණය කළා. එම ස්‌ථාන දෙකම පශු සම්පත් සංවර්ධන මණ්‌ඩලයේ පැරණි ගොවිපළ භූමි දෙකක්‌. එහි මූලික කටයුතු සැලසුම් කරමින් සිටියදී අපට රාජ්‍ය බලය අහිමිව ගියා.

ඉන්පසුව බලයට පැමිණි රජය සහ යුද හමුදාපතිවරයා එම අවි ගබඩා පිහිටුවීම සිදුකළේ නැහැ. එය කළා නම් කොස්‌ගම සහ වේයන්ගොඩ අවි ගබඩා අද වසා දමලා. කොස්‌ගම අවි ගබඩාවේ තිබූ ටොන් 25,000 ක උණ්‌ඩ තොගය මම ආරක්‍ෂක ලේකම්ව සිටියදී අඩු කළ නිසා අද එම ගබඩාව පිපිරීමෙන් සිදු වූ හානිය අඩුවුණා. නැත්නම් සිදුවිය හැකි විනාශය ඉතා විශාලයි.


Make a Comment
Make a Comment
මෙන්න බලන්න තවත් ගොසිප්
LATEST GOSSIP
Top 10 Commenters
Latest Comments
 
Copyright © 2019 rategossip.com
Top