Rate Gossip, Rate news, Gossip Lanka News | RateGossip | Rate Gossip | Rate Gossip Official Web Site | Gossip Lanka

2019 August 02
913
Views
ඉන්දියානු ජාතික ක්‍රිකට් කණ්ඩායමේ නව ප්‍රධාන පුහුණුකරු ධුරය භාර ගැනීම සඳහා යොමු කර ඇති ඉල්ලූම් පත් අතරින් තෝරාගත් හය දෙනකුගෙන් තිදෙනකු සඳහා ඉන්දියානු ක්‍රිකට් ආයතනයේ අවධානය යොමුව තිබේ. 
 
 අදාළ හය දෙනා අතරට ශ්‍රී ලංකාවේ මහේල ජයවර්ධන, නවසීලන්තයේ මයික් හේසන්, දකුණු අප්‍රිකාවේ ගැරී කර්ස්ටන්, එංගලන්තයේ ටෙ‍්‍රවර් බේලිස්, ඔසට්‍රේලියාවේ ටොම් මූඩි සහ හිටපු ඉන්දීය පුහුණුකරු රවී ශාස්ත්‍රි ඇතුළත් වේ. 
 
 ඒ අතරින් මහේල ජයවර්ධන, ගැරී කර්ස්ටන් යන දෙදෙනාගෙන් එක් අයකු ප්‍රධාන පුහුණුකරු ධුරයට පත්කිරීමට ඉන්දියානු ක්‍රිකට් ආයතනය වැඩි අවධානයක් යොමුකර ඇතැයි වාර්තා වේ. තෝරාගත් අවසන් පුහුණුකරුවන් තිදෙනා අතරින් වැඩිම ජාත්‍යන්තර ක්‍රිකට් තරග සංඛ්‍යාවකට සහභාගි වී ඇත්තේ මහේල ජයවර්ධන වන අතර ඔහු මුම්බායි ඉන්දියන්ස් කණ්ඩායමට අයි. පී. එල්. ශූරතාව දෙවරක් දිනා දීමේ පුහුණුකරුවාද වේ. 
 
 ඉන්දියානු කණ්ඩායමේ ප්‍රධාන පුහුණුකරු ධුරය භාර ගැනීමේ ප්‍රධාන සුදුසුකම ලෙස දක්වා තිබුණේ අවසන් වසර දෙකේදී ජාත්‍යන්තර අත්දැකීම් තිබීම සහ ටෙස්ට් තරග 30 ක් හෝ එක්දින තරග 50 ක් ක්‍රීඩා කර තිබීම වේ. කෙසේ වෙතත් ඉන්දියානු නායක විරාට් කෝලි රවි ශාස්ත්‍රී පුහුණුකරු ධුරයේ රඳවා ගැනීම සඳහා වැඩි කැමැත්තක් දක්වන බවට වාර්තා වේ.
Make a Comment
Make a Comment
මෙන්න බලන්න තවත් ගොසිප්
LATEST GOSSIP
Top 10 Commenters
Latest Comments
 
Copyright © 2019 rategossip.com
Top