Rate Gossip, Rate news, Gossip Lanka News | RateGossip | Rate Gossip | Rate Gossip Official Web Site | Gossip Lanka

2019 July 23
167
Views
දෙමළ නළු විජේ සේතුපති ශ්‍රී ලංකාවේ හිටපු දඟ පන්දු යවන්නා වන මුත්තයියා මුරලිදරන් ගේ ජිවීත කතාව ඇතුලත් ‘800’ නම් චිත්‍රපටයේ රඟපෑමට සූදානම් බව වෙබ් අඩවියක පළ වූ වාර්තාවක දැක්වේ.

මුත්තයියා මුරලිදරන් ටෙස්ට් ක්‍රිකට් ක්‍රීඩාවේ වඩාත්ම සාර්ථක පන්දුයවන්නා බවට පත්වන්නේ දෙවන ස්ථානය හිමිකරු වන ෂේන් වෝන්ට වඩා කඩුලු 92 වැඩින්ය . මුරලිදරන් එක්දින තරගවලදී කඩුලු 534 ක් හා විස්සයි 20 තරග 12 කදී කඩුලු 13 ක් දවාගෙන ඇති අතර එමඟින් ඔහු ජාත්‍යන්තර කඩුලු 1,247 ක් දවාගෙන තිබේ.

1972 දී මහනුවරදී උපත ලැබූ මුරලිදරන් 1992 සිට 2011 දක්වා කාලය තුළ ටෙස්ට් 133 ක්, එක්දින තරග 350 ක් සහ විස්සයි 20 තරග 12 කට ක්‍රීඩා කර ඇති අතර ඔහුගේ සුවිශේෂී පන්දු යැවීමේ ක්‍රියාව සඳහා වරින් වර නීතිමය අභියෝගයන්ට මුහුණ දීමට සිදුවිය . එසේ වුවද ඔහු පසුව ක්‍රීඩාවේ විශිෂ්ටතම ක්‍රීඩකයා බවට පත්විය. ඔහු 1996 දී ලෝක කුසලානය දිනාගත් ලංකා කණ්ඩායමේද ප්‍රධාන සාමාජිකයෙකි.

“අපි 2019 දෙසැම්බරයේ රූගත කිරීම් ආරම්භ කරන්න බලාපොරොත්තු වෙනවා . මෙය ඉන්දියාවේ, ශ්‍රී ලංකාවේ, එංගලන්තයේ සහ ලෝකයේ වෙනත් රටවල රූගත කිරීමට නියමිත විශාල වියදම් සහිත චිත්‍රපටයක්” යැයි වෙබ් අඩවිය වාර්තාව උපුටා දක්වමින් ප්‍රකාශ කර සිටි . නමුත් චිත්‍රපටය පිළිබඳව නිල නිවේදනයක් මේ වනතුරු නිකුත් කර නොමැත.

මේ අතර සේතුපති මේ වන විට ‘සංගා තමීෂාන්’ සහ ‘කඩයිසි විවාසයි’ ඇතුළු ව්‍යාපෘති ගණනාවක් සමඟ කාර්යබහුල වී සිටි .

මුරලිදරන් පිළිබඳ චිත්‍රපටය ඉන්දියානු සිනමා කර්මාන්තය මෑත කාලයේ දැක ඇති චරිතාපදාන ලැයිස්තුවකට එක්වන නවතම චිත්‍රපටිය වනු ඇත. ඉන්දියානු සිනමා කර්මාන්තය එම්.එස්. දෝනි, මිල්කා සිං, මොහොමඩ් අසාරුදීන්, මේරි කෝම්, බල් තැකරි වැනි කිහිප දෙනෙක් ගැනම චරිතාපදානය කර ඇත.
Make a Comment
Make a Comment
මෙන්න බලන්න තවත් ගොසිප්
LATEST GOSSIP
Top 10 Commenters
Latest Comments
 
Copyright © 2019 rategossip.com
Top