Rate Gossip, Rate news, Gossip Lanka News | RateGossip | Rate Gossip | Rate Gossip Official Web Site | Gossip Lanka

2019 May 16
2,650
Views

පාකිස්තානයේ ෆයිසලාබාද්හි මීට මාස 6කට පෙර එරට තරුණියක සහ චීන ජාතිකයෙකු අතර සිදුවූ විවාහය සියලු ආකාරයෙන් සාර්ථකව සිදු විය

ඇය 19 හැවිරිදි වියේ පසුවූ ක්‍රිස්තියානි තරුණියක වූ අතර ඔහු 21 හැවිරිදි විය. ඇය පුහුණුවලත් රූපලාවණ්‍ය ශිල්පිනියක වූ අතර ඔහු සුවඳ විලවුන් ව්‍යාපාරිකයෙකු විය.

පාකිස්තාන කාන්තාවගේ පවුල දිළිඳු පවුලක් වූ අතර විවාහයේ සියලු වියදම් දරන්නට තරම් මනමාලයා කාරුණික විය.

විවාහය සිදු කෙරුණේ ද සම්පූර්ණයෙන් පාකිස්තාන චාරිත්‍ර වාරිත්‍රවලට අනුවය. මේ සම්බන්ධයෙන් තරුණියගේ දෙමාපියන් ඉමහත් සතුටට පත් වූයේ, සිය දියණියගේ චීන ජාතික සැමියා පාකිස්තාන සංස්කෘතියට ගරු කරන්නෙකු වීම හේතුවෙනි.

AFP

මේ සම්බන්ධයෙන් පළමුව නිල වශයෙන් යෝජනා කිරීමක්, පසුව හෙනා නමැති උත්සවයක් ද පැවති අතර අවසානයේ මනාලියගේ නිවසෙන් ඇරඹි පෙරහැරකින් ඇය ගියේ සිය සැමියා සමග නව ජීවිතයක් ආරම්භ කිරීමේ අදහසිනි.

එහෙත්, මාසයක් ගත වන විට සොෆියා (ඇයගේ අනන්‍යතාව ආරක්ෂා කර ගැනීම සඳහා මුල් නම පමණක් භාවිත කිරීමට සිදු විය) සිය දෙමාපියන්ගේ නිවසට පැමිණියාය. ඇය පළා ආවේ සිය සැමියා වෙතින් පමණක් නොව පාකිස්තාන තරුණියන් චීනයේ ලිංගික ජාවාරම් සඳහා ගෙන යන ජාවාරම්කරුවන්ගේ ජාලයකිනි.

මෙවැනි වංචාසහගත විවාහයන් පිළිබඳව විමර්ශනය කරන මානව හිමිකම් ක්‍රියාකාරිකයෙකු වන සලීම් ඉක්බාල් පැවසුවේ, ගෙවුණු වසරක කාලය තුළ චීන ජාතිකයින් විසින් පාකිස්තාන තරුණියන් (විශේෂයෙන් ක්‍රිස්තියානි තරුණියන්) අවම වශයෙන් 700 දෙනෙකු පමණ විවාහ කරගෙන ඇති බවය.

එම තරුණියන්ට කුමක් සිදු වේ ද යන්න අනාවරණය වී නැතත්, ඔවුන් "ලිංගික වහල්භාවයට හසු වීමේ අවදානමක," සිටින බවය.

ව්‍යාජ විවාහ සිදු කළ බවට සැකපිට කතෝලික පූජකවරයෙකු ඇතුළු චීන ජාතිකයින් සහ පාකිස්තාන තැරැව්කරුවන් 20 දෙනෙකුට අධික පිරිසක් පසුගිය සති කිහිපය තුළදී අත්අඩංගුවට ගෙන තිබේ.

චීන ජාතිකයින් සහ පාකිස්තාන තැරැව්කරුවන් 20 දෙනෙකුට අධික පිරිසක් පසුගිය සති කිහිපය තුළදී අත්අඩංගුවට ගෙන තිබේ.

චීන ජාතිකයින් සහ පාකිස්තාන තැරැව්කරුවන් 20 දෙනෙකුට අධික පිරිසක් පසුගිය සති කිහිපය තුළදී අත්අඩංගුවට ගෙන තිබේ.

පාකිස්තාන ෆෙඩරල් විමර්ශන ඒජන්සිය බීබීසී පුවත් සේවයට පැවසුවේ, "චීන අපරාධකරුවන්ගේ කල්ලි විසින් පාකිස්තාන කාන්තාවන් විවාහ කර ගැනීම හරහා ඔවුන් ලිංගික ජාවාරම්වලට යොදවන," බවය. විදුලි බල ව්‍යාපෘතියකට පැමිණි ඉන්ජිනේරුවන් පිරිසක් ලෙස පෙනී සිටි එක් කල්ලියක් විසින් එක් පාකිස්තාන කාන්තාවක් සඳහා ඇමෙරිකානු ඩොලර් 12000 සිට 25000 දක්වා අය කර චීනයට යවා ඇති බව පාකිස්තාන ෆෙඩරල් විමර්ශන ඒජන්සිය පැවසීය.

විශේෂයෙන් ඉතා දිළිඳු ප්‍රදේශවල වෙසෙන ක්‍රිස්තියානි තරුණියන් ජාවාරම්කරුවන්ගේ ඉලක්කය වී තිබේ. ඔවුන් අදාළ තරුණියන්ගේ දෙමාපියන්ට සිය දහස් ගණන් ඩොලර් ලබා දෙන බව ද හෙළි වී තිබේ.

මේ තොරතුරුද කියවන්න


පාකිස්තාන කාන්තාවන් චීනයේ ගණිකා වෘත්තිය සඳහා රැගෙන එන බවට ඇති චෝදනා චීනය ප්‍රතික්ෂේප කර ඇත්තේ, "ඇතැම් මාධ්‍ය වාර්තා ව්‍යාජ කරුණු නිර්මාණය කර කටකතා පතුරුවන," බව පවසමිනි.

එහෙත්, මේ වසරේ චීන ජාතිකයින් සමග විවාහ පාකිස්තාන තරුණියන් චීනයේ වීසා ලබා ගැනීම සඳහා ඉදිරිපත් කර ඇති අයැදුම් පත් සංඛ්‍යාව ඉහළ ගොස් ඇති බවක් දක්නට ලැබේ. මේ වසරේ ගෙවී ගිය මාස කිහිපය තුළ පමණක් එවැනි අයැදුම් පත් 140ක් ලැබී ඇත. පසුගිය වසර (2018) පුරාවට ම ලැබී තිබුණේ 140ක් පමණි. ඉස්ලාමාබාද්හි පිහිටි චීන තානාපති කාර්යාලයේ නිලධාරියෙකු එරට මාධ්‍යවලට පවසා තිබුණේ, ලැබී ඇති අයැදුම් පත්වලින් 90ක් පමණ අත්හිටවූ බවය.

ලාහෝර් නගරයේ නිවසක්

විවාහය සිදුවීමට පෙර සිට ම සොෆියාට ඒ සම්බන්ධයෙන් යම් අවිනිශ්චිත සිතිවිල්ලක් හටගෙන තිබිණි. නිල වශයෙන් යෝජනාව ඉදිරිපත් වීමෙන් පසු ඇයට වෛද්‍ය වාර්තා ගැනීමට අවශ්‍ය වුව ද, තැරැව්කරුවන් විවාහය ඉක්මනින් සිදු කරන ලෙසට බලපෑම් කර තිබිණි.

"එහෙම ඉක්මන් කරන එක ගැන අපේ පවුලේ අයට සැකයක් තිබුණා. ඒත්, විවාහයේ වියදම් ඔක්කොම එයා දරනවා කිව්ව ම පවුලේ අය ඒකට කැමති වුණා," ඇය සඳහන් කළාය.

ඉන් සතියකට පමණ පසු ඇය ලාහෝර් නගරයේ පිහිටි නිවසක් වෙත ගෙන ගොස් තිබිණි. එහි අලුත විවාහ පත්වූ යුවළ කිහිප දෙනෙක් වීසා ඇතුළු ලියකියවිලි අපේක්ෂාවෙන් රැඳී සිටියහ. එහි සිටි පාකිස්තාන කාන්තාවන් වැඩිපුර කාලය ගත කළේ, චීන භාෂාව ඉගෙන ගැනීම සඳහාය.

එහිදී ඇයට වැටහී ඇත්තේ, සිය සැමියා ක්‍රිස්තියානි ආගම අදහන්නෙකු නොවන අතර ඔහු පිළිබඳව තොරතුරු ඇය සමග පැවසීමට ද අකමැති බවකි. භාෂා බාධකය හේතුවෙන් ඔවුන් ඉඳහිට කතාබහ කර ඇතත්, අදාළ චීන ජාතිකයා අඛණ්ඩව ලිංගික ක්‍රියාකාරකම්වලට යොමු වී තිබිණි.

විවාහ වී චීනයට ගොස් සිටි සිය මිතුරියකට කතා කිරීමෙන් පසු ඇය එම නිවසින් පළා යාමට තීරණය කර තිබිණි.

විවාහ වී චීනයට ගොස් සිටි සිය මිතුරියකට කතා කිරීමෙන් පසු ඇය එම නිවසින් පළා යාමට තීරණය කර තිබිණි.

විවාහ වී චීනයට ගොස් සිටි සිය මිතුරියකට කතා කිරීමෙන් පසු ඇය එම නිවසින් පළා යාමට තීරණය කර තිබිණි. ඇයගේ මිතුරිය ඇයට පවසා තිබුණේ, ඇයට සිය සැමියාගේ මිතුරන් සමග ලිංගිකව හැසිරෙන ලෙසට බල කළ බවය.

පසුව මේ සම්බන්ධයෙන් විවාහ තැරැව්කරුගෙන් විමසූ විට ඔහු කෝපයට පත්ව තිබේ. ඔහු පවසා තිබුණේ, විවාහය වෙනුවෙන් කළ සියලු වියදම් යළි ගෙවීමට සිදු වන බවය.

ඇගේ දෙමාපියන් එම මුදල් ගෙවීම ප්‍රතික්ෂේප කර ඇති අතර ඔවුන් සිය දියණිය බේරා ගැනීම සඳහා ලාහෝර් වෙත පැමිණ තිබිණි. ඒ අනුව ඇය සිය දෙමාපියන්ට අවනත විය.

මෑතකදී කරන ලද පොලිස් වැටලීම් අනුව ක්‍රිස්තියානි තරුණියන්ට මෙම අවදානම වැඩි වශයෙන් බලපාන බව පෙනී ගිය ද, බීබීසී පුවත් සේවයට වාර්තා වූයේ, මුස්ලිම් ප්‍රජාව ද ඊට ගොදුරු වී සිටින බවය.

චීන සැමියා සමග පසුගිය මාර්තු මාසයේදී චීනයට ගිය මුස්ලිම් කාන්තාවක පැවසුවේ, සිය සැමියාගේ "බීමත් ආගන්තුකයින්" සමග යහන්ගත වීම ප්‍රතික්ෂේප කිරීම නිසා තමන්ට නොයෙක් ශාරීරික වද හිංසාවලට ලක්වීමට සිදු වූ බවය.

ලිංගික ජාවාරම්වලට "සුදුසු නැති" කාන්තාවන් ශරීර අවයව ලබා ගැනීම සඳහා යොදා ගන්නා බව ද ෆයිසලාබාද්හි ෆෙඩරල් විමර්ශන ඒජන්සියේ ජමීල් අහමඩ් මායෝ බීබීසී පුවත් සේවයට පැවසීය.

ශ්‍රී ලංකාවේ සිටින චීන ජාතිකයින්

ශ්‍රී ලංකාවේ ක්‍රියාත්මක විවිධ ව්‍යාපෘතිවල ද චීන ජාතිකයින් විශාල පිරිසක් සේවය කරති. මේ වසරේ පෙබරවාරි මාසය වන විට ආගමන විගමන දෙපාර්තමේන්තුව නිකුත් කර තිබූ රැකියා සම්බන්ධ නේවාසික වීසා සංඛ්‍යාව අනුව ශ්‍රී ලංකාවේ නීත්‍යනුකූලව සේවයේ නිරත වන චීන ජාතිකයින් සංඛ්‍යාව 10,298ක් විය.

ශ්‍රී ලංකාවේ චීන ප්‍රජාව

මෙලෙස විදේශයන්ගෙන් රැකියා සඳහා පුද්ගලයන් විශාල වශයෙන් ගෙන ඒමට පෙර ඒ සඳහා නිසි ප්‍රතිපත්ති සකස් කළ යුතු බව ජාතික ප්‍රතිපත්ති අධ්‍යයන ආයතනයේ පර්යේෂිකා බිලීෂා වීරරත්න බීබීසී සිංහල සේවයට පවසා තිබිණි.

"දැනට මෙය එතරම් ගැටලුවක් වෙලා නැහැ. නමුත් අනාගතයේදී මෙම පිරිස වැඩි වීමේදී අපි අනිත් කරුණු ගැනත් සොයා බලන්න ඕනේ. ඔවුන් ඔවුන්ගේ සංස්කෘතිය මේ රට තුළට ගෙන ඒම සිදු වෙන්න පුළුවන්. කෑම බීම ඉඳලා ඔවුන්ගේ හැසිරීම දක්වා සියලු දේ රට තුළට එනවා. මේක ගැටලුවක් නොවෙන්න පුළුවන්. නමුත් එවැනි තත්ත්වයකට අපි සූදානම් විය යුතුයි. ඒ සඳහා නිසි ක්‍රමවේදයක් සකස් විය යුතුයි, නිසි මඟ පෙන්වීම් තිබිය යුතුයි," ඇය පැවසුවාය.

බීබීසී උර්දු සේවය වෙනුවෙන් සහේර් බැලොච් සකස් කළ වාර්තාවක් ඇසුරෙනි.

 

Make a Comment
Make a Comment
මෙන්න බලන්න තවත් ගොසිප්
LATEST GOSSIP
Top 10 Commenters
Latest Comments
 
Copyright © 2019 rategossip.com
Top