Rate Gossip, Rate news, Gossip Lanka News | RateGossip | Rate Gossip | Rate Gossip Official Web Site | Gossip Lanka

2019 February 10
1,456
Views

liya444

තවුසන්ගේ පවා ධ්‍යානයන් බිඳීමට සමත් ”නාරිලතා පුෂ්පය” ඉන්දියාවේ හිමාල වනයේ ඇතැයි කියනු ලැබේ. කාන්තාවගේ ලාලිත්‍ය රූ සපුවකට සමාන අංග ප්‍රත්‍යයන් නාරිලතා පුෂ්පයට වේ. නාරිලතා මලක් පිපෙන්නේ වසර 20කට එක් වරක් පමණි. එය අතිශය දුර්ලභය. සිංහලයෙන් ”ලියතඹරා මල” ලෙස ද මෙය හඳුන්වයි.

මෙතෙක් මනසින් පමණක් දුටු සුන්දර නාරිලතා පුෂ්පය හදිසියේ අන්තර්ජාල සමාජ මාධ්‍යයට ඇතුළුවූයේ කෙසේද? ඔබ මවිතයට පත් කරමින් නාරිලතා පුෂ්පයක සේයාරුවක් ඔබේ පරිගණකයේ නැත්නම් ජංගම දුරකථනයේ තිරය මතදී ඔබ ඇස ගැටුණේද?

මේ දිනවල ලෝකය පුරාම නාරිලතා පුෂ්පය ගැන විවිධ ආරංචි පැතිර යයි. බොහෝ දෙනකු පවසන්නේ එය හිමාලයට පමණක් ආවේණික පුෂ්ප විශේෂයක් ලෙසයි. එහෙත් කාන්තාවකට සමාන රූ සපුවකින් යුක්ත වූ මල් හට ගන්නා ශාක විශේෂයක් පිළිබඳ කේරළයේ ගම්මානයකින් ද වාර්තා වේ.

උතුරු ඉන්දියානුවන් ප්‍රකාශ කරන්නේ මේ ප්‍රභේදය ඇත්තේ හිමාල අඩවියේ පමණක් බවත් එහි මල් හට ගන්නේ වසර විස්සකට එක් වරක් පමණක් බවයි.

එසේ නම් නිරුවත් කාන්තාවකගේ රුවට අතිශයින් සමාන මල් විශේෂයක් සමාජ මාධ්‍යවල බහුලව සැරිසරන්නේ කෙසේද? ඔවුන් සමාජ මාධ්‍යයන්ට මුදා හැර ඇති ඡායාරූපයන් අනුව එක යායට පිපුණ නාරිලතා පුෂ්පයන් ද වේ.

ඉන්දියාවේ උත්තර ප්‍රදේශයේ බරණැස් හින්දු විශ්වවිද්‍යාලයේ උද්භිද විද්‍යාව පිළිබඳ පශ්චාත් උපාධි විද්‍යාර්ථිකයන් ප්‍රකාශ කරන්නේ මේ බොහෝ මිථ්‍යාවන්ට පාදක කරගන්නේ විවිධ ඕකිඞ් ප්‍රභේදයන් බවයි. විවිධ හැඩයන්ගෙන් යුක්තවූ ඕකිඞ් ප්‍රභේදයන් රාශියක් වේ.

එසේම නූතන නාරිලතා වෘත්තාන්තය පසුපස සමාජ මාධ්‍ය ජාලා ඔස්සේ ප්‍රසිද්ධිය බලාපොරොත්තු වන්නන් ද වේ. ඔවුන් තම වෙබ් අඩවි ඔස්සේ ව්‍යාජ නාරිලතා පුෂ්පයන් ප්‍රසිද්ධ කිරීම තුළින් බලාපොරොත්තු වන්නේ විශාල පිරිසක් තම සමාජ මාධ්‍ය ජාලාවන්ට නතුකර ගැනීමේ උපක්‍රමයයි. ඒ අනුව ව්‍යාජව සකස් කළ නාරිලතා පුෂ්පයන් මගින් පොදුජන අවධානය දිනා ගැනීම ඔවුන්ගේ ඉලක්කය වී තිබේ.

එදා නාරිලතා පුෂ්පය බින්දේ සුපසන් තවුසන්ගේ ශීලයන්ය. එහෙයින් තවුසන්ට වනයේදී නාරිලතා පුෂ්පයන්ගෙන් වහන්වී, දුරස්වී, ඈත්වී ජීවත්වීමට සිදු විය. එහෙත් කෛරාටිකයන්ගෙන් වහන්වීමට අද නාරිලතා පුෂ්පයට හිමාල අඩවියට ගිය ද අපහසු බව පෙනේ.

රත්න පතිරණ
දිවයින 

liya222

Make a Comment
Make a Comment
මෙන්න බලන්න තවත් ගොසිප්
LATEST GOSSIP
Top 10 Commenters
Latest Comments
 
Copyright © 2016 rategossip.com
Top