Rate Gossip, Rate news, Gossip Lanka News | RateGossip | Rate Gossip | Rate Gossip Official Web Site | Gossip Lanka

GOSSIP
349
මෝටර් රථයට දැඩි හානි.....
යොවුන් ගායකයෙක් වන විරාජ් පෙරේරා ගමන් ගත් මෝටර් රථය ඊයේ මෝදර ප්‍රදේශයේදී අනතුරට ලක්ව තිබෙනවා.

ත්‍රීරෝද රථයක ගැටුණු විරාජ්ගේ මෝටර් රථයට දැඩි හානි සිදුව ඇති බවත් වාර්තා වුණා.

මීට දවස් 5කට පමණ පෙර පැරිස්හිදී සංගීත සංදර්ශනයකට සහභාගී වී දිවයිනට පැමිණි ඔහු මෙම අනතුරට මුහුණ දී තිබුණා.



දිගු ගමනකින් විඩාවට පත්ව සිටි විරාජ් පෙරේරා විසින්ම මෙම මෝටර් රථය පදවා තිබුණු අතර එම නිසා මේ අනතුර සිදුව ඇති බවයි වාර්තාවුණේ.



කෙසේ වෙතත් අනතුරට ලක්වන අවස්ථාවේදී ත්‍රීරෝද රථයේ ළමුන් 5දෙනෙකු පමණ ගමන් කරමින් සිටි බවයි පැවසෙන්නේ.

අද සමාජයේ අනතුරු සිදුකර පළායන අය සිටින නමුත් විරාජ් තුවාල ලැබූ ළමුන් ඇතුළු පිරිසට අවශ්‍ය සිය කටයුතු පිළියෙල කර දී තිබෙනවා.

මෝදර පොලිසිය අසල මෙම අනතුර සිදුව ඇති බවත් විරාජ් පෙරේරා මේ වන විට පොලිස් අත්අඩංගුවේ පසුවන බවත් වැඩි දුරටත් වාර්තාවුණා.

තවද හෙට දිනයේ ඔහු සයිප්‍රසයේ සංගීත සංදර්ශනයකට සහභාගී වීමට නියමිත බවත් මේ අනතුර හේතුවෙන් එම කටයුතු සියල්ලද ඇණ හිට තිබෙන බවත් පැවසෙනවා.
GOSSIP
279
ඇමරිකාවේ ගුවන් විදුලියක නිවේදිකාවක් වන Cassiday Proctor සිය උදෑසන වැඩසටහන ඉදිරිපත් කරන අතරතුර සිය දරුවා බිහි කල පුවතක් ශාන්ත ලුසියා නුවරින් වාර්තා වනවා.

තවත් සති දෙකකින් ඇයට දරුවා බිහිකිරීමට වෛද්‍යවරුන් දින නියම කර තිබු නමුත් ඇය වැඩසටහන ඉදිරිපත් කරමින් සිටියේදී විලිරුදාව ඇති වී තිබෙනවා.




නමුත් නිවේදිකාවක් ලෙස සිය වෘත්තියට බෙහෙවින් ඇලුම් කරන Cassiday Proctor සජීවී ලෙස සිය අසන්නන්ට ශ්‍රවණය වන ලෙස දරුවා බිහි කිරීමට පහසුකම් සලසන ලෙස ඉල්ලා තිබෙනවා.

මේ අනුව එම ගුවන් විදුලියේ බලධාරීන් එම සියලු පහසුකම් සලසා සජීවී ලෙස දරුවා බිහිකරන ආකාරය විකාශය කර ඇති අතර එම වැඩසටහන වෙත මුළු ලෝකයේම අවධානය යොමු වී තිබෙනවා.

අලුත් උපන් බිලිදාට නම තැබීමේ අවස්ථාවද ශ්‍රාවකයින්ට ලබාදීමට Cassiday Proctor තීරණය කල අතර යෝජනා වූ නම් නම් 12ක් අතරින් පිරිමි දරුවකු වූ ඔහුට Jameson ලෙස නම් තබා තිබෙනවා.
GOSSIP
344
ENTERTAINMENT
253
හැත්තැව දශකයේ අතීශය ජනප්‍රියත්වයට පත් කැමිලස් පෙරේරාගේ 'ගජමෑන්' ඇතුළු කාටූන් චරිත සමූහයක් මූලික කොට ගනිමින් ශ්‍රී ලංකාවේ තැනෙන ප්‍රථම ත්‍රිමාණ සජීවිකරණ චිත්‍රපටය නොබෝ දිනකින් රට පුරා ප්‍රදර්ශනය කිරීමට සැලසුම් කොට තිබේ. මෙම ත්‍රිමාණ තාක්ෂණයෙන් නිර්මාණය කරනු ලබන චිත්‍රපටය අධ්‍යක්ෂණය කරනුයේ චානක පෙරේරාය. තොරතුරු තාක්ෂණය හා වෙළෙඳ දැන්වීම් නිෂ්පාදනයේ නියුතු අයෙකු ලෙස චානක පෙරේරාව හඳුන්වනු ලබයි.



මෙරට පුවත්පත් කලාවේ අසීමිත ජනාදරයට පාත්‍රවූ අතිප්‍රබල ප්‍රකාශනාත්මක චරිතයක් වූ 'ගජමෑන්' ත්‍රිමාණ සජීවිකරණ චිත්‍රපටය නිර්මාණය කොට ඇත්තේ ජෙම්ස් කැමරන්ගේ 'ඇවටාර්' හා ස්ටීවන් ස්පිල්බර්ග්ගේ 'ටිං ටිං' වැනි සුප්‍රසිද්ධ සිනමා කෘති නර්මාණය කරන ලද 'මෝෂන් කැප්චර්' (Motion Capture) තාක්ෂණය ඔස්සේය. 'චලන ග්‍රහණය' යනුවෙන් අර්ථ ගන්වන 'මෝෂන් කැප්චර්' (Motion Capture) තාක්ෂණය සිනමා මාධ්‍යයට එක් වන්නේ මෘදුකාංග ආධාරයෙන් සජීවීකරණය කල චරිතවල ක්‍රියාවන් සැබෑ නළු නිළියන්ගේ චලනයන්ට අනුගත කෙරෙන නව සජීවීකරණ ක්‍රමය මගිනි.



මෙම 'මෝෂන් කැප්චර්' (Motion Capture) තාක්ෂණය ක්‍රමවේදය සඳහා රංගනයෙන් දායක වී ඇත්තේ දසුන් පතිරණ, චාමර ප්‍රියදර්ශන, කසුනි, ප්‍රදීප්, ටිරාක් ශරදා අයයි. මෙහි හඬ රංගනයෙන් දායක වන ප්‍රධානතම ශිල්පීන් දෙපල වන්නේ චූටි මල්ලි සහා පොඩි මල්ලී ලෙස බොහෝ දෙනා ආදරය කරනු ලබන සුනෙත් චිත්‍රාන්නද හා ගාමින්ද ප්‍රියවිරාජ් යන ශිල්පීන්ය. ඊට අමතරව රෂී ප්‍රබෝධා, යුරේනි නොෂිකා සහ සුනිල් පෙරේරා යන අයට හඬකැවීම් අශයෙන් දායකත්වය ලබා දෙයි. ගජමෑන් චිත්‍රපටයේ තිරරචනය සිදුකර ඇත්තේ මොවන් දෙදෙනා විසිනි.



රු. මිලියන 75කට අධික වියදමක් දරා 2010 වසරේ පටන් නිෂ්පාදන කටයුතු සිදු කරන මෙම චිත්‍රපටය නිෂ්පාදනය කරනු ලබන්නේ ස්ටූඩියෝ 101 ආයතනය විසිනි.
ENTERTAINMENT
169
මේ දිනවල හොලිවුඩයේ අවධානය දිනා ගන්න කැරැලි ගසන හොර හාවෙක් සමත් වෙලා. මේ හාවාගේ නම පීටර්. ගොවියෙකුගේ එළවළු වත්තකට හොරෙන් රිංගලා එහි සරුවට වැවිලා තියෙන එළවළු කැඩීම පීටර් නැමති මේ හාවාගේ පුරුද්දක්.

පීටර් තම මස්සිනා සහ තුන් නිවුන් සහෝදරියන් වන ෆ්ලොප්සි, මුප්සි සහ කොට්න්ටේල් සමඟින් දවසේ වැඩි වේලාවක් ගත කරන්නේ, මැක්ග්‍රොගර්ගේ වත්තේ එළවළු සොරකම් කරමින්. බේ නම් කාන්තාව ඔවුන් සමඟන් බෙහෙවින් මිතුරුයි. මොකද කියනවා නම් ඇය, ස්වභාව සෞන්දර්යය වගේම හාවන්ගේ ද චිත්‍ර බොහොම අපූරුවට අඳීන සිත්තරාවියක් නිසා. ඇත්තටම ඇය අම්මා සහ තාත්තා අහිමි පීටර් ඇතුලු හාවන්ට අම්මා කෙනෙක් වගේ.



දිනක් මැක්ග්‍රෙගර්ගේ වත්තට යන පීටර් යළි පැමිණෙන්නේ තම කබාය වත්තේ අමතක කරලා. යළිත් එය රැගෙන එන්න යන පීටර් අල්ලා ගන්නවාත් සමඟින් හෘද්‍යාබාධයකට ලක්වන මැක්ග්‍රෙගර් මරණයට පත් වෙනවා. පීටර් තමන්ගේ මිතුරන් සියලු දෙනාටම ආරාධනා කර මැක්ග්‍රෙගර්ගේ නිවසේ සාදයක් පවත්වන්නේ තමන් ලද සතුට සැමරීම නිමිත්තෙන්. මේ අතර තම ආතයනයේ උසස්වීමක් බලාපොරොත්තුවෙන් සිටින මැක්ග්‍රෙගර්ගේ ඥාති පුත්‍රයකු වන තෝමස්හට තම මාමාගේ මරණයත් සමඟින් ආයතනයෙන් තමන්ට හිමිවන වරප්‍රසාද සියල්ල අහිමිවන බව දැනේ.

මැක්ග්‍රෙගර්ගේ නිවස බෙහෙවින් වටිනා නිවෙසක් බව තේරුම් වන්නා තෝමස් එහි යාමට තීරණය කරන්නේ එය යළි ප්‍රතිසංස්කරණය කර විකිණීමේ බලාපොරොත්තුවෙන්. දැන් තෝමස් වෙත එල්ල වී තිබෙන විශාලතම අභියෝගය වන්නේ පීටර් ඇතුළු මිතුරන් පිරිස එළවා දැමීමයි. මේ සඳහා තෝමස් විවිධාකාර උපායන් යෙදුවද පීටර් ද තම සටන අතහරින්නට තීරණය නොකරයි. මේ දිනවල රිදී තිරයේ දිගහැරී ඇති Peter Rabbit චිත්‍රපටය ගෙන එන්නේ එම අපූරු කතා පුවතයි.



විල් ග්ලූක් විසින් අධ්‍යක්ෂණය කළ Peter Rabbit චිත්‍රපටයට පාදක වී තිබෙන්නේ, බියෙට්‍රික්ස් පොටර් විසින් රචිත ළමා කෘතිවල එන Peter Rabbit චරිතය යි. මෙහි ඩොමිනෝල් ග්ලීසන්, තෝමස් මැක්ග්‍රෙගර් ලෙසත් රෝස් බේර්න්, බේ ලෙසත් සෑම් නේල්, මැක්ග්‍රෙගර් ලෙසත් පණ පොවන අතර ජේම්ස් කෝඩ්න්, ඩේසි රිඩ්ලි, මාග්‍රට් රොබී, එළිසබෙත් ඩෙබ්කි, ඩොමිනෝල් ග්ලීසන් සහ සෑම් නේල් ඇතුළු පිරිසක් හඬ කැවීමෙන් දායක වී ඇත.



Peter Rabbit ඔස්සේ බියෙට්‍රික්ස් පොටර් කලකට පෙර නිර්මාණය කළ චරිත යාවත්කාලීන කර වර්ණවත්ව චිත්‍රපටයක් බවට පත්කර ඇති බව විචාරක අදහයි. නමුත් එහි පීටර් චරිතය නම් අපිරිසිදු කර ඇති බව හැඟි යා හැකි බවත් පොදු විචාරක මතය යි. මෙය ළමයින් වෙනුවෙන් කළ නිර්මාණයක් වුවද වැඩිහිටියන්ට පවා තම තමන් පිළිබඳව ද හිතන්න යම් මඟක් මේ ඔස්සේ පෙන්නුම් කරන බවත් ඔවුහු පෙන්වා දෙති.



GOSSIP
469
බිත්තර දැමු ඉන්දුනීසියාවේ පිරිමි දරුවෙකු පිළිබඳ විදෙස් මාධ්‍ය අනාවරණ කර තිබෙනවා. 

මෙම සිද්ධිය හේතුවෙන් ඉන්දුනීසියාවේ වෛද්‍යවරුන් ද ගැටලුකාරී තත්වයකට පත්වී ඇති බවයි වාර්තා වන්නේ. 

මෙම පිරිමි දරුවා පසුගිය වසර දෙකක කාලය පුරා සිය අධෝ මාර්ගයෙන් බිත්තර 20 ක් දමා ඇතැයි සඳහන්. 

14 හැවිරිදි ඔහු ප්‍රකාශකර ඇත්තේ 2016 වසරේ සිට මෙම තත්වය තමාට පවතින බවයි. 

දරුවාගේ පියා විසින් එම බිත්තර කඩා බැලීමේ දී එහි ඇතැම්විට කහමදය පමණක් හෝ ඇතැම්විට සුදු මදය පමණක් පැවති බව සඳහන්.

මෙම පිරිමි දරුවාගේ උදරයේ සිදු කළ එක්ස්රේ පරීක්ෂණයකදී ද හෙළිවී ඇත්තේ ඒ වන විටත් එහි බිත්තර පවතින බවයි.

මෙම තත්වය හේතුවෙන් පිරිමි දරුවා අඛණ්ඩව වෛද්‍ය පරීක්ෂණයන්ට ද ලක්ව ඇති අතර වෛද්‍යවරුන් ඉදිරියේම බිත්තර දෙකක් දැමීම හේතුවෙන් මතබේධාත්මක තත්වයට ඔවුන් පත්ව තිබෙනවා. 

කෙසේවෙතත් වෛද්‍යවරුන් ප්‍රකාශකර ඇත්තේ මිනිස් සිරුරක බිත්තර ඇති වීමට කිසිසේත් හැකියාවක් නොමැති බවයි. 

මෙම බිත්තර මෙම දරුවාගේ අධෝ මාර්ගයට උවමනාවෙන්ම ඇතුලු කර ඇතැයි වෛද්‍යවරුන් සැක පළ කරනවා.
 
කෙසේවෙතත් ඇසින් දුටු සාක්ෂි නොමැතිවීම හේතුවෙන් එය ද නිශ්චිතව ප්‍රකාශ කළ නොහැකි බවයි ඔවුන් සඳහන් කර ඇත්තේ.
මෙම දරුවාගේ පියා ද එය ප්‍රතික්ෂේප කර තිබෙනවා. 

ඔහු ප්‍රකාශ කරන්නේ තම දරුවා බිත්තර සම්පුර්ණයෙන් හෝ ගිල නොදැමු බවයි. 

කුඩා දරුවෙකු එලෙස සිදු කරන්නේ ඇයි ද යන්න ඔහු ප්‍රශ්ණ කරනවා. 

කෙසේවෙතත් මේ පිළිබඳ වෛද්‍ය පරීක්ෂණ තවදුරටත් ක්‍රියාත්මක බවයි විදෙස් වාර්තා සඳහන් කළේ.
GOSSIP
230
ත්‍රිකුණාමලය මහ රෝහලේ හදිසි අනතුරු ඒකකය සඳහා අත්තිවාරම් කපමින් සිටියදි පොළව යට වැළලී තිබි හමුවු ටොන් අටක් බරැති අඩි 11 දිග යටත් විජිත සමයට අයත් පැරණි කාලතුවක්කුව ඊයේ (21) ත්‍රිකුණාමලය නාවික හා සමුද්‍රිය ඉතිහාස කෞතුකාගාරය වෙත රැගෙන එනු ලැබීය.

මෙම කාලතුවක්කුව යටත් විජිත සමයේ හමුවු සෙසු කාල තුවක්කු වලට වඩා වෙනස් එකක් බවත් එහි පිටුපස කොටස සම්පුර්ණයෙන්ම ආවරණය කර සේවා නුලට ගිණි දැල්වීම සඳහා පමණක් සිදුරක් තබා ඇති බව පෙනි යන බවත් මෙතෙක් හමුවු කාල තුවක්කු පිටුපස ආවරණය නැති හා ඒවා ගැලවී ගිය මෙන්ම ආවරණයේ කොටස් පමණක් තිබු ඒවා බවද සහකාර පුරාවිද්‍යා අධ්‍යක්ෂක ඩබ්ලියු. එච්. ඒ. සුමනදාස මහතා පැවැසීය.



මහ රෝහල් පරිශ්‍රයෙන් හමුවු මෙම කාලතුවක්කුව ක්‍රිස්තු වර්ෂ 1700 වන කාලයට අයත් චීනචට්ටි ලෝහයෙන් නිර්මිත එකක් වන බවත් එය පිහිටි පොලවේ මෙම ස්ථානයේම සවි කර තිබු එකක් වන බවත් පසුව කාලයාගේ ඇවෑමෙන් පස් තට්ටු වලින් වැසි ගොස් ඇතැයි සහකාර අධ්‍යක්ෂකවරයා පැවැසීය.

මෙම ස්ථානයෙන් පැරණි කාලතුවක්කුවක් හමුවීම පුදුම සහගත කරුණක් නොවන්නේ වත්මන් ත්‍රිකුණාමලය මහ රෝහල බ්‍රිතාන්‍යයන් මෙරට පිහිටවු පළමු හමුදා රෝහල වන හෙයිනි එමෙන්ම මහ රෝහලට ඉහලින් වත්මන් නැගෙනහිර නාවික විධානය පිහිටි කදු ගැටයේ පිහිටි ඔස්ටන් බර්ග් බල කොටුවත් මහ රෝහලට උතුරින් පිහිටි ෆෙඞ්රික් බල කොටුවත් අතර මෙම හමුදා රෝහල පිහිටුවුයේ එදා මෙම බල කොටු අත්පත් කර ගැනීමේදී ලන්දේසීන් හා කල සටනින් තුවාල ලැබු බ්‍රිතාන්‍ය සෙබලූන් හට ප්‍රථිකාර ලබා දීම සඳහායි දින තුනක් පුරා කල සටනකින් බ්‍රිතාන්‍යයන් මෙම බල කොටු ද්විත්වය අත්පත් කර ගනිමින් 18 වන සියවසේදී ත්‍රිකුණාමලය සිය පාලනයට නතු කර ගනු ලැබීය. ඔවුන් එදා එසේ අත් පත් කරගත් භූමියේ ආරක්ෂාව වෙනුවෙන් මෙම කාල තුවක්කු ස්ථාපිත කර තබන්නට ඇති බව සිතිය හැකිය.

බලකොටු අත්පත් කරගත් බ්‍රිතාන්‍යයන් ත්‍රිකුණාමලය වරායේ ආරක්ෂාව වෙනුවෙන් වරායට මුහුණලා වරාය අවට නිශ්චිතවු දුරකින් කාල තුවක්කු ස්ථාපිත කරනු ලැබීය ෆෙඞ්රික් බල කොටුව සංවර්ධනය කර දෙවන ලෝක යුද්ධයට මුහුණ දීම සඳහා ත්‍රිකුණාමලය වරාය අවට අති විශාල කාල තුවක්කු රැඳවුම් අට්ටාල ප්‍රමානයක් ස්ථාපිත කිරිමට ඔවුන් පසුකාලිනව කටයුතු කරනු ලැබුවේ මිත්‍ර පාර්ශවය සතුව ආසියාවේ තිබු විශාලතම ඉන්ධන ගබඩා පර්යන්තය ත්‍රිකුණාමලයේ පිහිටා තිබු හෙයිනි



වරායේ ආරක්ෂාවට එදා ඔවුන් පිහිටවු එම කාලතුවක්කු අද එම ස්ථානවල දක්නට නැතත් කාලතුවක්කු රැදවුම් පලවල් සියල්ලම තවමත් වරාය අවට මෙන්ම බල කොටු ද්විත්වය ආශ්‍රීතවද දක්නට ලැබෙන්නේය ඒවා පිළිබදව සොයා බලා නඩත්තු කිරිමට හෝ ඒවා ආරක්ෂා කිරිමට නිසි වැඩ පිලිවෙලක් ක්‍රියාත්මක කිරිමට රජය මෙතෙක් අවධානය යොමු නොකර තිබිමද කණගාටු දායකය.

නාවික හමුදාවේ නැගෙනහිර විධානයට අයත් නිලධාරින්ගේ සහයෙන් රැගෙන ආ මෙම කාලතුවක්කුව මෙරටින් හමුවු විශාලතම බ්‍රිතාන්‍ය කාලතුවක්කුව අසලින් ස්ථාපිත කරනු ලැබීය.
පුරාවිද්‍යා දෙපාර්තමේන්තුවේ රසායනික සංරක්ෂණ අංශයේ නිලධාරින් යොදවා ශුද්ධ පවිත්‍රකර නාවික හා සමුද්‍රිය ඉතිහාස කෞතුකාගාරයේ එලිමහනේ රඳවන දෙකක් මත සවිකර මහජන ප්‍රදර්ශණයට තබන බව සහකාර අධ්‍යක්ෂකවරයා තවදුරටත් පැවැසීය.



GOSSIP
510
කාන්තාවන් දෙදෙනෙකුට අමානුෂික ලෙස හිරිහැර කළ ගම්වාසීන් පිරිසක් පිළිබඳ පුවතක් විදෙස් මාධ්‍ය වාර්තාකර තිබෙනවා.

අදාළ සිදුවීම වාර්තා වන්නේ ඉන්දියාවෙන්.

මෙම අවාසනාවන්ත අත්දැකීමට මුහුණදී ඇත්තේ 65 හැවිරිදි කාන්තාවක් සහ 35 හැවිරිදි ඇගේ දියණියයි.

එම කාන්තාවන් පොලිසියට ප්‍රකාශ කර ඇත්තේ තම ගම්මානයේ පුද්ගලයෙකු මියගිය අවස්ථාවක ඔවුන් දෙදෙනාට පිරිසක් එක්ව හිරිහැර කළ බවයි.

එලෙස මියගොස් ඇති පුද්ගලයාගේ ඥාතීන් අදාළ කාන්තාවන්ගේ නිවසට කඩා වැදී ඔවුන්ගේ ඥාතියාගේ මරණයට හේතුව අදාළ කාන්තාවන් බව පවසා තිබෙනවා.

ඔවුන් පවසා ඇත්තේ එම කාන්තාවන් දෙදෙනා විසින් සිදුකළ මායාකර්මයක ප්‍රතිඵලයක් ලෙස තම ඥාතියා මියගොස් ඇති බවයි.

කෙසේ වෙතත් අදාළ සිදුවීම වූ අවස්ථාවේ එම කාන්තාවන් විසින් සඳහන් කර ඇත්තේ තමන් එවැන්නක් සිදුනොකළ බවයි.

එම ප්‍රකාශයන් පිළිබඳව තැකීමක් නොකළ අදාළ පිරිස විසින් අනතුරුව ඔවුන් දෙදෙනා නිවසින් පිටතට ගෙන තිබෙනවා.

ඉන් පසු එම කාන්තාවන් දෙදෙනා අදාළ පුද්ගලයන් විසින් සුසාන භූමියක් වෙත රැගෙනගොස් ඇති බවයි වාර්තා වන්නේ.

පසුව එම පිරිස තමන්ට සහ තම මවට මල මුත්‍රා වලින් පහරදී බලහත්කාරයෙන් ම ඒවා පෙවූ බවයි මෙලෙස පහරකෑමට ලක්වූ දියණිය ප්‍රකාශකරන්නේ.

අනතුරුව කාන්තාවන් දෙදෙනාගේ හිස මුඩු කර කාන්තාවන්ගේ ඇඳුම් ඉරා දමා ඔවුන් නිරුවත් කර තිබෙනවා.

ඉන් පසුව ඔවුන්ගේ ගම්මානය වටා කාන්තාවන් දෙදෙනා රැගෙනගොස් ඇති අතර මිත්‍යා මත හේතුවෙන් කිසිවෙකුත් ඔවුන් ගලවාගැනීමට ඉදිරිපත් වී නෑ.

අනතුරුව අදාළ සිදුවීම පිළිබඳව එම කාන්තාවන් විසින් පොලිසියට කළ දැනුම්දීමකට අනුව අදාළ සිදුවීමට සම්බන්ධ පුද්ගලයන් 11 දෙනෙකු එරට පොලිසිය විසින් අත්අඩංගුවට ගෙන ඇති බවයි විදෙස් මාධ්‍ය වාර්තා කර ඇත්තේ.

ඉන්දියාවේ නිතරම දක්නට ලැබෙන මෙවැනි සිදුවීම්වලට හේතුව අන්ධ විශ්වාස බවයි විද්වතුන් පෙන්වා දෙන්නේ.

වැන්දඹු කාන්තාවන්ගේ දේපල වංචාකර අයිති කරගැනීමට ද බොහෝ අවස්ථාවල ඇතැමුන් මෙවැනි ක්‍රියා සිදුකරන බවයි විදෙස් මාධ්‍ය පෙන්වා දෙන්නේ.
GOSSIP
261
මේ දිනවල තරුණයන්ගේ සිත් සොරගත් තරුණියක් පිළිබඳව සමාජ ජාල මාධ්‍ය ඔස්සේ දැඩි ලෙස කතා බහට ලක්වෙනවා. මේ අතරේ පාසල් සිසුවියක සහ සිසුවකු අතරේ සිදුවන ආදර ජවනිකාවක් සමඟින් "Manikya Malaraya Poovi" නම් ගීතයටත් ඉහළ ප්‍රසිද්ධියක් ලැබුණා. එහි එක් දසුනක ඇතුළත්, තරුණිය විසින් ඇසක් ගසා කරන්නා වූ ඉඟිය මෙලෙස එක් රැයකින් ලොව පුරාම ජනප්‍රිය වන්නට සමත් වී තිබෙනවා.


එපමණක් නොව මේ වනවිට එම තරුණියගේ ඡායාරූප සහ වීඩියෝ සමාජ ජාල මාධ්‍ය තුළ වේගයෙන් පැතිරෙන්නට පටන් ගෙන තිබෙනවා.



ලොව පුරා තරුණ හදවත් සොරාගත් එක් රැයකින් මුළු ලෝකයේම ජනප්‍රියත්වයට පත් ඇහැක් ගහන කෙල්ලගේ ඇත්ත කතාව ගෙන එන්නේ Oru Adaar Love නම් මලයාලම් චිත්‍රපටය යි. ලබන මාර්තු 03 වනදා තිරගත වීමට නියමිත Oru Adaar Love චිත්‍රපටය අධ්‍යක්ෂණය කර තිබෙන්නේ, කේරළයේ තිස්තුන් හැවිරිදි සිනමා අධ්‍යක්ෂවරයකු වන ඔමාර් ලුලු විසින්. මෙය ඔමාර්ගේ තෙවැනි සිනමා නිර්මාණය වන අතර ඔහුගේ කුලුඳුල් සිනමා නිර්මාණය වන Happy Wedding (2016) බොක්ස් ඔෆිස් වාර්තා තැබූ චිත්‍රපටයක්. දෙවැන්න Chunkzz, 2017 වසරේ කේරළයේ ඉහළම ආදායම් ලද චිත්‍රපට අතරට ඇතුළත් වුණා. මෙම චිත්‍රපට ද්විත්වයටම නවක නළු නිළියන් දායකකර ගැනීමත් විශේෂයි.
 
Oru Adaar Love චිත්‍රපටයේ ප්‍රධාන චරිත වෙනුවෙන් ද එම ප්‍රතිපත්තිය අනුගමනය කරමින් තෝරා ගත්තේ නවකයන්. මෙහි ප්‍රධාන පිරිමි චරිතයට පණ පොවන යොවුන් රෝමියෝ ලෙසින් නම් ලද දහනව හැවිරිදි රෝෂන් අබ්දුල් රහූෆ් කෙරළ සිනමාවට පිවිසෙන්නේ Oru Adaar Love චිත්‍රපටය සමඟින්. අබුඩාබිහිදී උපත ලද ඔහු මේ වනවිට ත්‍රිසූර්හි අයිසීඒ උසස් අධ්‍යාපන ආයතනයේ පළමු වසරේ සිසුවෙක්. ප්‍රධාන කාන්තා චරිතයට පණ පොවන ප්‍රියා ප්‍රකාශ් වැරියර් මේ වන විට ලොව පුරා කතාබහට ලක් වී තිබෙනවා.
තම කුලුඳුල් සිනමා නිර්මාණය තිරගත වීමටත් පෙර එහි ගීතයක තත්පර කිහිපයක එක් දසුනකින් ඇය මෙලෙස ජනතා ආකර්ෂණයට ලක් වීම පුදුමයක් බව සිනමා විචාරකයන්ගේ අදහසයි.



වයස අවුරුදු 18ක් වන ප්‍රියා තවමත් උසස් අධ්‍යාපනය ලබන ශිෂ්‍යාවක්. කේරළයේ ත්‍රිසුර්හි විමලා විද්‍යාලයේ ව්‍යාපාර අධ්‍යයන අංශයෙන් උසස් අධ්‍යාපනය හදාරන ඇය සිනමාවට පිවිසීමට පෙර එක් වරක් මෝස්තර නිරූපණ ශිල්පිනියක ලෙස කටයුතු කර තිබෙනවා. මේ වන විට ඇය, අන්තර්ජාලයේ වැඩිම පිරිසක් සෙවූ ඉන්දියානුවන් අතරින් කෙනෙකු බවට ද පත් වී සිටිනවා. එපමණක් නොව ඉන්ස්ටග්‍රම් වාර්තාවක් ද ඇය සතුයි. පැය විසිහතරක් ගතවීමට පෙර ඇයගේ ඉන්ස්ටග්‍රම් ගිණුමේ පිරිවර 616,000ක් ලෙස වාර්තා වී තිබෙනවා. මේ වන විට එහි පිරිවර මිලියන දෙක ද ඉක්මවා ඇති බවයි සඳහන් වෙන්නේ.



මෙතෙක් ඇය සමඟින් කළ කිසිදු සම්මුඛ සාකච්ඡාවක් මාධ්‍ය ඔස්සේ පළ වී නොමැති අතර චිත්‍රපටය තිරගත වූ පසුව ඇයගේ සම්මුඛ සාකච්ඡා පළ වනු ඇති බවත් ඉන්දීය මාධ්‍ය වාර්තා ගෙන එනවා. ප්‍රියාගේ මව ප්‍රීතා, මාධ්‍ය වෙත කර තිබෙන දැනුම් දීමට අනුව තවමත් ඇය අධ්‍යාපනය ලැබීම හේතුවෙන් මේ දිනවල ඇය පාසල් නේවාසිකාගාරයේම නැවතී සිටිනවා. "මෙය අපි කිසිසේත්ම බලාපොරොත්තු නොවූ දෙයක්. ප්‍රියා රංගනයට බෙහෙවින් ඇලුම් කරනවා. ඒ නිසාම පසුගිය වසරේ තවත් තිර පරීන්ෂණයකට පෙනී සිටියා. එයින් තෝරා ගනු ලැබුවත් තවමත් දොළාස්වන වසරේ අධ්‍යාපනය ලබන නිසා ඇයගේ විභාග කටයුතු එයට හරස් වුණා" ප්‍රියාගේ මව පවසා තිබෙනවා. එසේම මෙම ඉන්ස්ටග්‍රම් ගිණුම ව්‍යාජ එකක් බවත් ඇය පවසනවා.



Oru Adaar Love චිත්‍රපටයට යොදා ගෙන තිබෙන "Manikya Malaraya Poovi" ගීතය උස්තාද් පී.එම්.ඒ ජබ්බාර් විසින් රචනාකර තිබෙන්නේ 1978 වසරේදී යි. තලාසරී කේ. රෆීක් විසින් සංගීතවත් කළ එය සම්ප්‍රදායික මලබාර් මුස්ලිම් ගීතයකි. එහි නව සංගීත සංයෝජනය සිදු කර තිබෙන්නේ, ශාන් රහ්මාන් විසින්. මේ වන විට හයිද්‍රාබාද්හි ෆලක්න්මා පොලිස් ස්ථානයට මෙම ගීතයට විරුද්ධව පැමිණිල්ලක් ඉදිරිපත් වී ඇති බවත් ඉන්දීය මාධ්‍ය වාර්තා කර සිටිනවා. මෙහි පද රචනය මුස්ලිම් හැඟීම්වලට පටහැණි බවත් එය මුහම්මද්තුමාගේ අනුගාමිකයන්ට අනුකම්පා විරහිතව රචනා කර ඇති බවත් පැමිණිලිකරුවන් චෝදනාකර සිටිනවා. කෙසේ නමුත් මෙම ගීතය නිසා පාසල් කාලයේ සුන්දර ආදර කතාවක් රැගෙන එන Oru Adaar Love චිත්‍රපටයට නම් මේ වන විටත් ඉහළ ප්‍රේක්ෂක ප්‍රතිචාර ලැබෙමින් පවතිනවා.


සංගීතමය ආදර කතාවක් සමඟින්, අනර්ඝ වූ ආදරය යනු කුමක් ද? යන්න පවසන Oru Adaar Love චිත්‍රපටයේ ගීත 8ක් අන්තර්ගතයි. උසස් ද්විතියික පාසලක එකොළහ සහ දොළහ වසරවල ඉගෙනුම ලබන ශිෂ්‍යාවක සහ ශිෂ්‍යයකු ප්‍රධානව තවත් ගැහැනු ළමයින් සිව්දෙනෙකු සහ පිරිමි ළමයින් පස් දෙනෙකු මෙහි ප්‍රධාන චරිත අතරට ඇතුළත්. Oru Adaar Love චිත්‍රපටය කියන්නේ, ඔවුන්ගේ ජීවිත, ආදරය සහ මිත්‍රත්වය ගැන කතාවයි.

GOSSIP
170
POLITICAL
323
RATE GOSSIP GALLERY
GOSSIP
190
"ඒ වැඩෙන් පස්සේ ෆන් එකක් ගමුලු, ඒ නිසා වැඩේ අත හැරියා.."

"ක්ලබ් ගියාට මමනම් වරදක් දකින්නේ නෑ.."

ටාන්‍යා මෙලීසා කියන නම ජනප්‍රිය නොවුණත් ඇයගේ රූපය බොහෝ දෙනෙකුට මතකයි. ඇය මෝස්‌තර නිරූපණ ශිල්පිණියක්. ඒ වගේම ජනප්‍රිය මියුසික් වීඩියෝවලටත් ඇය සම්බන්ධ වෙලා තියෙනවා. ඇය අවුරුදු 16 දී විවාහ වුණත් දික්කසාද වුණු ගැහැනියක් කියලයි ඇය කියන්නේ. විවිධ කටකතා එක්ක සමාජයේ කැපිපෙනෙන ඇය ගැන පුවත්පතක සදහන් වූ ලිපියක් මේ.

ටානියා දැන් කොහේද පදිංචි වෙලා ඉන්නේ...?

මම දැන් පදිංචි වෙලා ඉන්නේ පානදුර ගොරකානේ. පුංචි කාලේ නම් මම හිටියේ ගල්කිස්සේ. මම ඉගෙන ගත්තේ දෙහිවල ශුද්ධ වූ කන්‍යාරාමයේ.

පුංචි කාලේ ඉඳන් ආසාවෙන් හිටියේ නිරූපණ ශිල්පිනියක් වෙන්නද...?

ම්... ඔව්... මම නිරූපණ ක්ෂේත්‍රයට ගොඩාක්ම කැමතියි. මට මතකයි ඉස්කෝලේ යන කාලේදීත් මම ඉස්කෝලේදීත් ෆැෂන් ෂෝ කරනවා. ඉතින් ඒ දේවල්වලට ඒ කාලේ ඉඳන්ම කරපු නිසා ආසාව වැඩි වුණා. ඔහෝම ඉඳිද්දී මට බ්‍රයන් කෝකෝව මුණගැසුණා. එයා මගෙන් මොඩ්ලින් කරන්න කැමති ද කියලා ඇහුවා. ඉතින් ආසාව නිසාම මම කැමති වෙලා ඒ අය යටතේ නිරූපණය හොඳින් හැදෑරුවා.

අද සමාජයේ නිරූපණ ශිල්පිනියන් දිහා බලන්නේ වෙනත් කෝණයකින්. කොටට ඇඳුම් අඳින, ක්ලබ් යන ගෑනු ළමයි නිරෑපණ ක්ෂේත්‍රයේ ඕනෑ තරම්. නිරූපණයට මෙය පොදු දෙයක්ද...?

මෙහෙමයි මොඩ්ල් කෙනෙක් වෙන්න ඕනේම නැහැ කොටට ඇඳලා ක්ලබ් යන්න. ඒක සාමාන්‍ය අයත් කරනවා. හැබැයි ඉතින් බොහෝ දෙනෙක් ඇඟිල්ල දිගු කරන්නේ නිරූපණ ශිල්පිනියන්ට තමයි. අපේ ලංකාවට වඩා යුරෝපීය රටවල්වල නිරූපණ ශිල්පිනියන්ට තැනක් තිබෙනවා. හැබැයි අපේ සංස්කෘතිය නිසාම නිරූපණ ශිල්පිනියන් අද බාල්දු කරලයි මිනිස්සු දකින්නේ.

ඒක සංස්කෘතියේ වරදටත් වඩා අද අලුත් නිරූපණ ශිල්පිනියන් තමන්ගේ ගෞරවය වෘත්තීය ගෞරවය නැතිකරගන්න විදිහට වැඩකරන එක නෙවෙයිද ප්‍රශ්නය?

ඔව්... ඒක ඇත්ත... කොටට ඇඳලා, ක්ලබ් ගියාට මමනම් වරදක් දකින්නේ නෑ. හැබැයි මම නම් කියන්නේ තැනේ හැටියට ජීවත් වෙන්න ඕනේ. අපේ කාලයේ හිටපු නිරූපණ ශිල්පියන්ටත් වඩා අද අලුතින් එන නිරූපණ ශිල්පිනියන් ගොඩාක් වෙලාවට මේ රැකියාව පහත් කරලයි ඉන්නේ. අපේ කාලයේදී අපි වෘත්තියට හරි ආදරෙයි. නමුත් අද බොහෝ දෙනා සල්ලි පසුපස, ප්‍රසිද්ධිය පසුපස හඹාගෙන යනවා. අද ෆේස්බුක් හින්දා ගොඩාක් දෙනා ප්‍රසිද්ධිය පිටිපස්සේ දුවනවා. ඒ නිසා සමාජයේ මේ වෘත්තියට තිබුණු වටිනාකම නැතිවෙලා තියෙනවා. ඒ නිසා නිරූපණ ශිල්පිනියකටත් වඩා ගැහැනියකගේ තියෙන වටිනාකම එයින් නැතිවෙලා යනවා.

ටානියා නිරූපණ ක්ෂේත්‍රයේ ඇවිත් දැන් වසර ගණනාවක් වෙනවනේ... රඟපෑමට අවස්ථාව ලැබිලා නැද්ද...?

ආරාධනානම් ලැබුණා. මම කාලයක් රූපවාහිනි නාලිකාවක නිවේදිකාවක් විදිහටත් වැඩ කළා. හැබැයි ඒ කාලේවත් මට කිසිම ප්‍රශ්නයක් ආවේ නැහැ. අපි අපේ වෘත්තිය හිරියට හඳුනාගෙන ඒ අනුව ජීවත් වෙනවානම් කිසිම ප්‍රශ්නයක් නැහැ. හැබැයි රඟපෑම කියන්නේ වෙනම දෙයක්. නිරූපණ ශිල්පිනිය කියන්නේ තවත් දෙයක්. එක චිත්‍රපටයක් කළාට පස්සේ තවත් ඒවාට යන්න ලැබෙනවා. ඊට පස්සේ ජනප්‍රියත්වය පසුපස තමයි දිවෙන්නේ. ඒකෙන් තමන්ගේ බොහෝ දේවල් බොහෝමයක් ඈත් වෙනවා. ලංකාවේ විතරක් නෙමේ විදේස් නිර්මාණයකටත් මට අවස්ථාව ලැබුණා. හැබැයි මම ඒවා බාරගත්තේ නැහැ. රඟපෑම කියන්නේ මගේ වෘත්තීය නෙමේ.

ඔබ දරුවන් දෙන්නෙක්ගේ අම්මා කෙනෙක්... එහෙම නේද...?

ඔව්... මම විවාහ වෙද්දී මට අවුරුදු දාසයයි. මගේ පළවෙනි පුතාව ලැබෙද්දී මට අවුරුදු දහඅටයි. විවාහ වුණාට පස්සේ තමයි මම ෆීල්ඩ්එකට ආවේ. ලොකු පුතාට අවුරුදු තුනේදී තමයි මම මේ ෆීල්ඩ් එකට ආවේ. අද මට පුතාලා දෙන්නෙක් ඉන්නවා. හැබැයි පෞද්ගලික ප්‍රශ්න නිසා මම කලින් සැමියාගෙන් දික්කසාද වුණා. මේ වෙනකොට මාව හොඳින් තේරුම් ගත්තු කෙනෙක් මට මුණගැහිලයි ඉන්නේ. අපි දෙන්නා ගොඩාක් ආදරෙන් ජීවත් වෙනවා.

ඔහු මේ ක්ෂේත්‍රයට සම්බන්ධ කෙනෙක්ද...?

ඔව්... එයා DJ කෙනෙක්... DJ Ashlin කියන්නේ එයයි. එයාගේ නම උපුල් ගුණතිලක. එයා නම් මගේ වෘත්තියට ගොඩාක්ම අකමැතියි. එයා කියන්නේ දැන් මෝස්තර නිරූපණ ක්ෂේත්‍රයෙන් අයින් වෙන්න කියලයි. මේ ක්ෂේත්‍රය ගැන එයාට තියෙන්නේත් කලකිරීමක්. අලුත් නිරූපණ ශිල්පිනියන් ඇතැමුන් කරන දේවල් නිසා මේ ‍‍ ‍ක්ෂේත්‍රයම විනාශ වුණා.

කාලයක් ටානියා මියුසික් වීඩියෝවලටත් සම්බන්ධ වුණා...? දැන් සම්බන්ධ වෙන්නේ නැද්ද...?

නැහැ. ඇත්තටම ඒ ගැනත් තියෙන්නේ කලකිරීමක්. ගිය සතියෙත් මට මියුසික් වීඩියෝවකට කතා කළා. ඒ අය කියන්නේ “මියුසික් වීඩියෝ එකෙන් පස්සේ අපි Fun එකක් ගමු. කියලයි. ඇත්තටම මේ දේවල් නිසා මම කලකි‍ෙරනවා. ඒ නිසා මම දැන් කිසිම මියුසික් වීඩියෝවකට සම්බන්ධ වෙන්නේ නැහැ. ඇත්තටම දැන් මේ ‍ක්ෂේත්‍රයේ ඉන්න සමහරු ගැන මට තියෙන්නේ ලොකු කලකිරීමක්.


සටහන_දිශානි

GOSSIP
135
ප්‍රේක්ෂක ආකර්ෂණය දිනාගත් ගී නිර්මාණ කිහිපයක්ම සිදුකළ ඔහු තීක්ෂණ අනුරාධයි. ඔහුගේ නවතම ගී නිර්මාණය ගැනත්, මේ වනවිට සිදුකරනු ලබන කලා කටයුතු ගැනත් කතා කිරීමට ඔහු අප හා මෙලෙස එක්විය.



තීක්ෂණගේ අලුත්ම ගී නිර්මාණය ‘ආරේ ගති නෑරේ’, මෙවැනි ගීතයක් නිර්මාණය කරන්න අදහස් කළේ ඇයි ?

මගේ ඒක පුද්ගල ගී ප්‍රසංගයක් සිදුකරන්න ලොකු බලාපොරොත්තුවක් තිබෙනවා. එවැනි ප්‍රසංගයක් කරන විට හැම ශෛලයකම ගීත ඇතුළත් කළ යුතුයි කියලා මම හිතනවා. ඒ නිසා මට හිතුණා නර්තනයක යෙදෙන්න පුළුවන් මෙවැනි ගීතයක් කරන්න. මේ ගීතයේ පද රචනය සිදු කළේ සගා ගුරුගේ. මෙහි සංගීතය සිදුකලේ අශාන් ප්‍රනාන්දු.මෙය හොඳ අත්දැකීමක් බවට පත්වෙයි.



මෙවැනි ප්‍රසංග වේදිකාවට උචිත ගී නිර්මාණවලට නේද තීක්ෂණ ලොකු ඉඩක් ලබාදෙන්නේ?

මම ප්‍රසංග වේදිකාවට යොමුවෙද්දී ඒකාකාරී ගීත කිහිපයක් ගායනා කරලා යන්න මම කැමති නැහැ. මට ඕන විවිධත්වයෙන් යුතු ගීත ගායනා කරන්න. ඒකට හේතුව විවිධාකාරයේ රසඥතා තිබෙන රසික පිරිසක් පැමිණීම. ඒ නිසාම තමයි මම මෙවැනි විවිධ ආකාරයේ ගී නිර්මාණ සිදු කරන්නේ. මම කළ ගීත තුළ විවිධ ආකාරයේ ගීත අන්තර්ගත වෙනවා.

වර්තමානය වනවිට ගායකයෙක් වසරකට ගීත හතරක් පහක් පමණ නිර්මාණය කරනවා. මේ ගීතයේ පැවැත්ම පිළිබඳ ප්‍රශ්නයක්ද?

මීට කාලෙකට කලින් අපිට අහන්න තිබුණේ ඉතා සීමිත ගීත ප්‍රමාණයක්. ඒ වගේම ගායකයොත් මෙතරම් හිටියේ නැහැ. ඒ වගේම මෙතරම් මාධ්‍ය ප්‍රමාණයක් තිබුණෙත් නෑ. අද වනවිට ඒ තත්ත්වය බොහෝ වෙනස් වෙලා තිබෙනවා. අපි එදා නිර්මාණය කළ ගීත අදටත් අහනවා. ගීතයේ පැවැත්මක් නෑ කියන එක වැරදියි. මම කළ ඔබ තරම් කියන ගීතයත් මෑතකදී කළ ගීතයක්නේ. ‘දිගු දෑස’ රුවන්ගේ ‘නොදැක ඉන්න බෑ’ වැනි ගීත ගත්තම ඒ ගීතත් මෑතකාලින ගීත විදිහටනේ හදුන්නේ. නමුත්, ඒ ගීත කිව්ව ගමන් අපිට ඒ ගීතය මතක් වෙනවා. ඒ ගීතයේ රූපරචනාවේ තිබෙන දේවල් පවා මතක් වෙනවා. මෙහි පැවැත්මක් නෑ කියන එක වැරදියි. අද කාලේ අහන්න දේවල් ගොඩක් තිබෙන නිසා ඒ ගීත එතරම් වාදනය වෙන්නේ නෑ. මම දකින්නේ ඒක තමයි මෙයට හේතුව.



මේ පවතින වාතාවරණයත් එක්කද ගායකයෙක් ගායනයට පමණක්ම යොමු නොවී රියලිටි වැඩසටහන්වලට හා අනෙකුත් කලා කටයුතුවලට යොමුවෙන්නේ?

නමුත්, අපි රියලිටි තරගයකට ගියාම අපි ඉදිරිපත් කරන අංගය තුළින් අපිට කියන්න තිබෙන පණිවිඩය කියන්න පුළුවන් වෙනම වේදිකාවක් හැදෙනවා. ඒ වගේම එහිදී මූල්‍යය පැත්ත ගැනත් හිතනවා. සංගීතය වෘත්තියක් ලෙස කරනවා නම්, අපි ඒ ගැනත් සලකා හොඳ නරක කියන දේවල් වෙන් කරගෙන අපිට ගැළපෙනවා කියලා හිතනවා නම් ඒ දේකරන්න යොමුවෙනවා. ඒ වගේම රියලිටි තරගයකට යොමුවෙද්දී, ගායනයට අමතරව අනෙකුත් හැකියාවන් පෙන්නන්නත් පුළුවන් වෙනවා. අනෙක් දේ තමයි ගායකයෙක්ට වෙනත් දේවල් කරන්න කාලය ලැබෙනවා. අද බොහෝ ගායකයන් මාස හයකට වරක් තමයි ගීතයක් එළිදක්වන්නේ. ප්‍රසංගවලට සහභාගි වෙනවා නම්, ඒ ප්‍රසංග බොහෝ විට තියෙන්නේ සතිඅන්ත දිනවල. ඒ වගේම රාත්‍රි ප්‍රසංග පැවැත් වෙන්නේ. දිවා කාලය වගේම, සතියේ දිනත් කාලය ඉතුරු වෙනවා. ඒ කාලය තුළ වෙනත් කලා කටයුත්තක නියැළෙන එක හොඳ දෙයක් කියලා මම හිතන්නේ.

මේ වනවිට ඔබත් ටුවෙන්ටි ටුවෙන්ටි රියලිටි වැඩසටහනට සම්බන්ධ වී සිටිනවා. ඒ වැඩසටහනට යොමුවෙන්න හිතුවේ ඇයි? පෙර කියු හේතු නිසාමද?

ඒ වැඩ සහහනට මම සහභාගි වෙන්න එකම හේතුව එහි මගේ පාට්නර් ලෙස කටයුතු කරන්නේ රොමේෂ් සුගතපාල. ඔහු මේ ක්ෂත්‍රය තුළ මට සිටින හොඳම මිතුරා. මීට වසර හතරකට පමණ පෙර අපි කතා කරගත්ත දෙයක් තමයි අපි දෙදෙනාගේ කොන්සට් එකක් පවත්වමු කියන කාරණාව. රොමේෂ් කියන්නේ දක්ෂ වයලින් වාදන ශිල්පියෙක්. ඒ වගේම ඔහු පියානෝ වාදන ශිල්පියෙක්. මම බටනලා වාදන ශිල්පියෙක්. රොමේෂ් කියන්නේ රාගධාරී සංගීතය ඉගෙන ගත්ත කෙනෙක්. මම සංගීතය ඉගෙන ගත්ත කෙනෙක්. ඒ දේවල් එක්ක හොඳ ප්‍රසංගයක් කළා නම් කියලා මම හිතුවා. නාළිකාවෙන් මේ රියලිටි වැඩසටහනට ආරාධනාවක් ලැබුණම, ඒ ආරාධනාව මම කැමැත්තෙන්ම භාරගත්තේ ඒ කොන්සට් එකට ලොකු පදනමක් නිර්මාණය වෙන නිසා. අපේ කොන්සට් එකේදි කරන්න පුළුවන් සමහර ඉදිරිපත් කිරීම් අපිට මේ තුළින් සිදුකර හැකියි. අපි මේ වනවිට ඉදිරිපත් කරපු ප්‍රසාංගික ඉදිරිපත් කිරීම්වලට හොඳ ප්‍රතිචාර ලැබුණා.

තීක්ෂණගේ සංගීත කණ්ඩායම ඔක්ටේව් ගෘහස්ථ ප්‍රසංග සඳහා යොමුවෙන සංගීත කණ්ඩායමක්. ඒ හා බැදෙන ප්‍රේක්ෂකාගාරය ගැන අදහස මොකක්ද?

මගේ හොඳම මිතුරා මනෝජ් කුඩාගොඩ සමග තමයි සංගීත කණ්ඩායම පවත්වාගෙන යන්නේ. මංගල සාද, වෙනත් ගෘහස්ථ ප්‍රසංගවලට තමයි අපි දායක වෙන්නේ. එහිදී අපි දකින දෙයක් තමයි එළිමහන් ප්‍රසංග වේදිකාවට එන ප්‍රේක්ෂකයයි, ගෘහස්ථ ප්‍රසංගවලට පැමිණෙන ප්‍රේක්ෂකයයි අතර ලොකු වෙනසක් තිබෙනවා. යුටියුබ් එකට, එහෙම නැත්තම් ෆේස්බුක් එකට ගීතයක් දැම්මත් එයට පහත් වචනවලින් බනින පිරිසකුත් ඉන්නවා. හොඳ ප්‍රතිචාර දක්වන පිරිසකුත් ඉන්නවා. මම වැඩි දෙනෙක් කැමැත්ත දක්වන හොඳ නිර්මාණවලට තමයි ඉඩක් ලබාදෙන්නේ. හිතට ගොඩක් තෘප්තිමත් දෙයක් තමයි අපි නිතරම කරන්න උත්සහ කරන්නේ.



ඉදිරි නිර්මාණ කටයුතු සිදුවෙන්නෙත් ඒ අරමුණ උදෙසාද?

මීට වඩා බොහෝ වෙනස් ගීත තමයි ප්‍රේක්ෂකයන් අතරට ගෙන එන්නේ. රොමේෂ්ගෙයි, මගෙයි ඩුවට් සෝන් එකක් හෝ මගේ ගීතයක් වෙන්න පුළුවන්. මේ වනවිට ගීත දෙකක් මම නිර්මාණය කර තිබෙනවා. එක් ගීතයක් මේ සමාජය ගැන. බස්නාහිර පළාතෙම අපි දකින දෙයක් තමයි හිඟමන් යදින්න කුඩා ළමයින් යොමු කිරීම. ඒ ළමයි ඉන්නේ තමන්ගෙම නෑදෑයෝ එක්කද කියලා අපි දන්නේ නැහැ. ඒ ගැන කියවෙන ගීතයක් මේ වනවිට නිර්මාණය කරලා තිබෙනවා. ඒ වගේම රොමේෂ්ට වගේම මටත් ඉන්නේ පුතෙක්. තාත්තා කෙනෙක් පුතෙක්ව අතට අරන් උණුහුමින් තුරුලු කරගෙන ඉද්දි දැනෙන හැඟීම ගැන කියවෙන ගීතයක් නිර්මාණය කරමින් පවතිනවා. මේ ගීත දෙකම පෙර නිර්මාණවලට වඩා බොහෝ වෙනස්.

GOSSIP NEWS
SPORTS
POLITICAL
ENTERTAINMENT
VIDEO CORNER
Quick Read
Top 10 Commenters
Latest Comments
 
Copyright © 2016 rategossip.com
Top